Краегранесие: "Андрею отшелнику приношение"
Кондак 1
*А*ндрее, отче преподобне, земное житие многотрудное со многими скорбями прошедый, взыскал еси Христа в сердце твое, и с Ним прешел еси в жизнь вечную, идеже ни скорбь, ни теснота, ни болезнь более не властвуют, но жизнь безконечная посреде райскаго веселия. Сего и нас сподоби улучити молитвами твоими, да поем ти:
Радуйся, Андрее, пустынниче Соловецкий.
*Икос 1
*Н*е упокоению леностному и угождению плоти предавался еси, отче Андрее, но избрав многоскорбное житие пустынническое, гладом и жаждою томимый, многоразличными наваждениями бесовскими колеблемь, биения, болезни и ругательства претерпевый, лютыми помыслами терзаемь, не оставил еси жития сего претруднаго, яко подаде ти Христос благоуветливое вспоможение, яко верному и испытанному сыну Своему. Сего ради образ и нам показуеши, яко претерпевый до конца, той спасен будет(Мф. 10,22) и аще сам искушаемь быв, может и искушаемым помощи (Евр. 2, 18), испрашиваем, святый отче Андрее, молитв твоих поюще ти таковая:
Радуйся, еще на земли суще Христа в сердце прияв, улучил спасение;
Радуйся, имеяй селение идеже мимоиде тление; (3Е, 7,53)
Радуйся, радость небесную земным трудом приявый;
Радуйся, образ отречения жизни ни теплой, ни студеной (Откр.3,17) нам всем давый;
Радуйся, Андрее, пустынниче Соловецкий.
Кондак 2
*Д*еланию духовному положил еси начало трудником Соловецкой обители, при игумене Варлааме. Пришедши семо трудился еси в Сосновой веси, вываривая соль. Обаче убегая сланой земли приснозлобия и к плодоносности духа устремляяся (Пс.106,34), мыслями о гресех понуждаемь, удалился еси в пустыню непроходную, идеже сердце, душу и силы своя (Втор.6,5) устремил еси к Богу, выну поя Ему: Аллилуиа.
Икос 2
*Р*ачению пустынных отцев подражая, уединился еси, отче Андрее, в пустыню, идеже гладом и мразом бе томим. Егда же искушаше тя диавол, понуждая выйти из затвора, помощь Божия проливалась на тя дождем и громом небесным летом, мразом жестоким, кости сокрушающим, зимою, да не престати ти от затвора. Сего ради помощию Божиею и своим старанием достигл еси безстрастия о трех летех, и наградою от Бога явися ти муж светозарный, предложив яко Адаму в Раи, травие в пищу, таже и в питие воду езерную. Житию твоему, отче Андрее, дивяся, еже пятьдесят и осмь лет жития пустыннаго и претруднаго проводил еси, поем ти:
Радуйся, помощию Божией вражия приражения побеждавый;
Радуйся, и свое немалое старание к сему прилагавый;
Радуйся, мутныя воды неверия на воду присноживотную пременивый.
Радуйся, мраза и глада не убоявыйся;
Радуйся, Андрее, пустынниче Соловецкий.
Кондак 3
*Е*лицы мира бегающие, посвятити себе без остатка Богу для приятия жизни вечной устремляются, тако и ты, преподобне отче Андрее, в вертепе отшелническом во многом времени подвизался еси. Мы же, недостойнии, во многом времени земнаго жития нашего, много ли призываем пришедшаго для спасения нашего превечнаго Бога, Иже бо многаго нашего ради рода роди Богородица?
Яко отшельник Андрей, иногда в вертепе убогом, в пищи скудной и тесном житии обреташеся, ныне спасения удостоивыйся, молится о нас, в юдоли земной пребывающих, да и мы возможем благих улучити, поя в безконечные веки: Аллилуиа.
Икос 3
*Ю*доль плачевную жития земнаго прошед, достигл еси небесных обителей, образ предлагая нам не пещися о земных, прилагая сердце к богатству текущему (Пс. 61,11), иже всякому различное бывает: овому злата собрание, овому красота телесная, овому ум острый или язык красноречивый, овому же благодать Божия. Обаче не для услаждения таланты раздает щедроподательный Господь, но возрастания ради духовнаго и помощи ближнему, прихождения в силу высокую, да бы подавати неимущим от сего богатства недостающее. Сего ради и мы, надеющеся от богатства твоего, отче Андрее, получити вспоможение со страстьми борением, поем ти:
Радуйся, сердце твое без остатка Богу отдавый;
Радуйся, сердце твое жилищем Господу соделавый;
Радуйся, силу темную, страстную поправый;
Радуйся, безстрастия достигнувый;
Радуйся, Андрее, пустынниче Соловецкий.
Кондак 4
*О*бновлен ум соделав умирением помыслов, и небесною любовию ко Господу влекомый, жительство свое на небеси приуготовал еси, отче Андрее, еще живя в пустыни убогой и хладной. Да внегда ослабевшая земная храмина тела разорится (2Кор.5,1), потаенный сердца человек вселится в жительство новое на Небесех, идеже в неистлении кроткаго и молчаливго духа (1Пет.3,4), преходити будет вечно пред Богом, воспевая Ему: Аллилуиа.
Икос 4
*Т*роице Святей душу свою устремляя, отче Андрее, убегл еси в пустыню, не трапезы царевой и пития искати, но твердо стати Отцу Небесному в служение, возсыновления достигая, не поклонился еси страхам князя мира сего и чрез огнь искушений прошед, в триех летех достигл еси безстрастия, и ныне, пред лицем Божиим поеши. Помяни и нас, поющих ти сицевая:
Радуйся, всецело Святей Троице послуживший;
Радуйся, в радость Господа твоего вшедший;
Радуйся, рабе благий и верный; (Мф.25,23)
Радуйся, в малом был еси верен, над многими поставленный;
Радуйся, Андрее, пустынниче Соловецкий.
Кондак 5
*Ш*ествоваху путем скорбным, преподобне отче Андрее, достигл еси Божественнаго света, чрез истребление страстей страданием произвольным: сеющии бо слезами, радостию пожнут (Пс.125, 5) и, благодаря Господа за вся, пременил еси скорби земныя на свет небесный, идеже несть болезнь, ни печаль, ни воздыхание, но выну пение вкупе с горними силами: Аллилуиа.
Икос 5
*Е*гда Тя, Христе, в шестый день рекшаго, множитися человекам и наполняти Землю (Быт.1,28), мног народ тесняху, едина прикоснуся Тебе, исцеления ища(Мк.5, 25), еже не возмогла еси от многих врачей, получити, обаче много от тех пострадаша, многая имения издержаху.
Тако и святии суть малое стадо от многаго человечества, теснящаго Тя, образ предлагают и нам грешным, пещися о малом, едином на потребу (Лк.10,41-42).
Посреде же многих званных (Лк.14,24), но паче теснящих Христа, нежели вдающих сердце свое, по словеси Его: "Даждь ми, сыне, твое сердце" (Пр. 23,26), мало избранных святых , сияющих преподобием своим, якоже ты, отче Андрее, ныне в мире горнем пребывающий и поемый от земли тако:
Радуйся, святый Божий избранниче;
Радуйся, о нас земных небесный молитвенниче;
Радуйся, лицезрению Христа ныне радуяйся;
Радуйся, жилищем Бога Живаго сотворивыйся (2Кор.6,16);
Радуйся, Андрее, пустынниче Соловецкий.
Кондак 6
*Л*озы Христовой гроздие соделался еси, в пещере темной пребывая, неплодных дел тмы бегая (Флп.5,11), и от мертвенности мира удалившись в пустыню, идеже духом воскресая, освещен бе благодатию Христовой (Флп.5,14).
Помози и нам, темнопадшым во мраке прегрешений, возрастати в вере Христовой, выну содержа света Его сияние в сердцах наших, да поем вкупе с тобою, отче Андрее, песнь сладчайшую: Аллилуиа.
Икос 6
*Н* икакая скорбь, ни теснота, ни нагота, не возмогут вредити человека, аще благодать Божия пребывает в сердце. Внегда же богатство и слава века сего, сытостью и ласкосердием увлекают человеков, тогда не имать Дух Божий пребывати в них, зане суть плоть (Быт.6.3)
Обаче ты, отче Андрее, благодать Божию в терпении мнозе (2Кор,6) стяжавший, помози молитвами твоими снискати посещения Божиего и наших сердец, поющих ти сицевая:
Радуйся, во благодати Божией жителю;
Радуйся, жительства убогаго любителю;
Радуйся, в нищете и наготе пребывавый;
Радуйся, одежду светлую пакибытия снискавый;
Радуйся, Андрее, пустынниче Соловецкий.
Кондак 7
*И*значала прияша благочестие неповредно, чрез Зосиму и Савватия преподобных, сохраняху братия Соловецкая, законы незыблемы, предание неущербно, ничто же претворяюще, или привносяще, ниже латинския, ни прочия иныя ереси принимаша и толь твердо храниша Святое Православие, яко во время искушений кровьми запечатлеша, даже до смерти, живота своего не жалеша.
Посреде же безчисленных общежителей, велицех постников и пустынных безмолвников, яко пресветлая звезда просияша вышеестественной благодатию Андрее, пустынножителю Соловецкий, маловременными скорбями и страданием на вечную небесе славу Богом возведенна, Ему же, подателю всех благих поем: Аллилуиа.
Икос 7
*К*орытца добрыя два имея, едино с водицею, иное со травою, насыщался еси паче питием и брашном небесными, хлебом насущным Христовой благодати и водою от источника воды животныя (Откр.21,6). Не яко две кошницы в видении Иеремиином (Иер.23,1-10) едина добрая, иная злая, юже отсечет Господь, яко и глаз лукавый ко злу влекущий, да не увидит Царствия Божия, обаче тебе, отче Андрее, избранному Божию, обе руце имущему на доброе делание (Мф.5,30) и оба ока, коими ныне зриши Троицу Святую (Мф.5,29), поем:
Радуйся, яко ухлеби тя Господь хлебом разума (Сир, 15,3)
Радуйся, яко напои тя Господь водою премудрости (Сир, 15,3)
Радуйся, собеседниче ангелов благословенный;
Радуйся, к лику великих пустынников сопричтенный;
Радуйся, Андрее, пустынниче Соловецкий.
Кондак 8
Убежал еси, отче Андрее, в пустыню непроходную, да не зрети земными очами суеты земной, но отверстыми очами душевными видети Небесное, зрение бо душевное упраздняет земныя страсти, внегда не земное уже господствует, но небесное, и душа сия предпочитает небесныя радости земным: тесный и хладный вертеп пространному теплому дому, наготу пышным одеждам, воду езерную сладкому питию, и сельную траву яствам пиров, обаче едино есть еже на потребу, возводя очи свои на Небо, выну пети благодатному Богу вся дарующему: Аллилуиа.
Икос 8
*П*риходя от силы в силу со страстьми борением и восходя к райскому образу, срывал еси, отче Андрее, слой за слоем, яко лука, от риз кожаных, ихже получи Адам от Бога, из Рая ходяще, не требуя более сей защиты, ибо благодать Божия укрываше тя и нападения диаволи помалу угасе. Сей образ и нам показуеши, яко не в высоких и красных палатах земных обитает Господь, Иже родися в яслех вертепа Вифлеемскаго, и для снискания благодати Христовой довольно нищеты пещеры убогой, брашна препростаго и сердца чистаго от страстей. Да улучим и мы, молитвами твоими спасения Христова поя ти отче пустынный:
Радуйся, не приявший в сердце твое еже есть настоящее; (3 Ездры, 7, 16)
Радуйся, приявший в сердце твое еже есть будущее;
Радуйся, яко стяжал еси сердце Христа любящее;
Радуйся, яко на Небесех твое жилище; (Флп. 3, 20)
Радуйся, Андрее, пустынниче Соловецкий.
Кондак 9
*Р*адуйся, Андрее пустынниче, приобретший многие таланты и услышавший от Христа: добре, рабе благий и верный, о мале был еси верен (Мф.25,21), вниди во Царствие Мое. Аще праведный износит из богатства своего сердца доброе, нам грешным, износящим злая, подобает истребляти оное. Помози же нам, отче Андрее, паче свои таланты сокрывающим, нежели приобретающим, твоими молитвами, да изринем хотя бы злая из себе. Аще един злый кодрант изринем, да подаст нам Господь зрение двух, на два изринутых злых, подаст зрети трие, доколе не изринем до последнего кодранта злаго (Мф.5,25), идуще на Суд Божий, идеже надежду имамы, суще зли, пременити у Христа добраго кодранты злые на таланты добрые, сотворяя себе други от мамоны неправды, и да приимет нас Господь в вечные кровы Свои, идеже возможем пети вкупе с тобою, заступниче наш, отче Андрее: Аллилуиа.
Икос 9
*И*збегая суеты мира сего, пустоты и безсмысслия, лишь видению земных очей привлекательных, удалися еси в вертеп пустынный, да не своих рук плодами, но токмо Богом подаваемых насыщатися.
Не строителям башни Вавилонской подобяся, иже плинфою и смолою, от своих рук дел строили ея, устроял еси, отче преподобне, здание на камени нерукотворенном, Иже отвергоша зиждущии вавилоняне.
Бремя бо малое человеку предлагает Господь, но малую высоту всякаго труда человеча Своим высоким милосердием восполняет, да с сей высоты преподобия удобее возлетати душе совершенной в Царствие Небесное. И ныне в Раи, отче Андрее, о нас молися, да отринем плоды суемудреннаго ума и мыслей плотских к земле влекущих, сих плинф вавилонских, скрепляемых смолою гордости и устремим ко Христу души, сердца и вси силы своя, и приидем вслед тебе в Царствие Небесное, поюще:
Радуйся, страх Господень, иже есть дар от Господа, стяжавший; (Сир.1,13)
Радуйся, вся красная мира сего нивочтоже вменивший.
Радуйся, яко в безлюдии слаждше заповедям Господним внимавший;
Радуйся, надеющеся пространных тесноту понесший; (3Е, 7,18)
Радуйся, Андрее, пустынниче Соловецкий.
Кондак 10
*Н*осителем истиннаго образа Божия и человече любви, явился еси, отче Андрее, во дни земнаго жития, и по успении твоем обрел еси божественную благодать предстательствовати пред Богом о нас, почитающих святую память твою.
Молися за ны, да и посреде нас явятся людие любви и человецы Божиии, могущие удержавати мир от погибели и пришествия антихристова, да николиже оскудеет любовь и благодать Божия на Руси Святой, да выну в обителех, храмах, и в сердцах верных возносится песнь о Господе: Аллилуиа.
Икос 10
*О*тверстие малое в пещеру темную сотворил еси, еже входом тесным в светлое Царствие Небесное явилося есть, узкая бо врата, и тесный путь вводят в живот, и мало их есть, иже обретают его (Мф.7,14). Посреде малых сих на небесех обретаешися ныне, отче Андрее, идеже не токмо зриши Светлый лик Христов, но и на нас темнопадших, в присномутном жития море сущих призираеши, поющих ти сице:
Радуйся, Святой Троицы присный зрителю;
Радуйся, почитающих память твою ко Христу водителю;
Радуйся, в Царствие Небесное тесными враты прошедый;
Радуйся, како путь тесный всем проити поведый;
Радуйся, Андрее, пустынниче Соловецкий.
Кондак 11
*Ш*ум листвий вертограда пустыннаго предпочел еси шумливой суете мира, и наготу страстной жизни одеянию, да бы улучити снедь от древа животнаго скороувядаемых земных трав брашном, и пременити житие многотрудное на веселие некончаемое в Раю всечестном, посреде краснейшей доброты, в богозданном селении. И ныне, сему великолепию окрест себе радуяся, преподобне отче Андрее, в неизреченном свете пребывая, с Небеси воспеваеши вкупе с нами, от земли поющими, песнь Христу Богу: Аллилуиа.
Икос 11
*Е* лико могий князь мира сего восташа на тя, преподобне отче Андрее, обратити тя ко страсти желая, обаче ты обладаше им и, подобно злаку сельному ко Солнцу растущему, умножал еси в плод в семени, Богом насажденном, господствуя над землею страстных желаний плоти, ум с сердцем соединяя, и пребывая выну в посте и молитве, и тем пустым содела искушения сатанинския. И взяша тебе, отче Андрее, Бог под крепкую руку Свою, вознесл есть на высоту, много бо может милость Божия человеку помогати. На твое же предстательство о нас надеяся, поем ти:
Радуйся, ныне в шуме листьев райских празднующий; (Пс.41,5)
Радуйся, яко ти отверст есть рай и насаждено древо жизни; (3 Ездры, 8,52)
Радуйся, Царствие благолепия и венец доброты от руки Господни приявший; (Прем. 5,16)
Радуйся, райское жилище святых унаследивый.
Радуйся, Андрее, пустынниче Соловецкий.
Кондак 12
*Н*аемником притекл еси во обитель Соловецкую и по триех летех варения соли, восхотел еси всыновлению тещи, солию Духа Божиего влекомый, в дебрь пустынную вселился, идеже солию земли соделался, да зря тебе, преподобный отче Андрее, не омочивому со Христом в солило подобимся, почтившему предательством честь сию, не столпу сланому, обратившеся вспять, но тебе, доброй соли Христовой, поюще: Аллилуиа.
Икос 12
*И*ный пустыннолюбец, отче Андрее, тебе подобный, Василий Кеноезерец, иногда обрете тя в вертепе утаенном и поведа миру всему о житии твоем, соделав пользу спасению нашему, обретохом бо тя яко светильника, поставленнаго над зде, а не под спудом, иже осветити может хождение наше по морю волнующагося жития бурнаго.
Обаче по времени малому, Василий паки искаше тя, но не обретоша ни дебри, ни горы, ни вертепа, ибо потаен бе от глаз человеческих в сокровенной пустыни спасения Христова. Се бо и нам помози быти сокрытыми от натиска антихристова в пустыни сей, идеже ни похоть плотская, ни похоть очима, ни гордость житейская (1Ин. 2:16), ничесоже злаго вредит нас, да молитвами твоими покрываемии, преподобне отче, поем ти:
Радуйся, праведниче, ко Господу близ ставший;
Радуйся, светом подвига твоего вся чтущия тя облиставший;
Радуйся, иногда в пустыни земной сокрытый;
Радуйся, от мира горняго на помощь всем нам выну открытый;
Радуйся, Андрее, пустынниче Соловецкий.
Кондак 13
*Е*стества обычая утаися, преподобне и дивне пустынножителю Андрее, трудником соловецким бывый , иже пятьдесят и осмь лет пустынно уединением Господеви работав, вышеестественныя благодати сподобися.
Благодарим Господа, о тебе, Иже с высоты снизшедша в сердце твое да новую плоть сотворити, содела тебе преподобным. Молися о нас, досточтимый отче, да снизойдет и в наша сердца благоуветливый Господь и поживет в нас. Несть бо нам иного пути, да возстати от земли и пети в горнем мире вкупе с тобою: Аллилуиа.
Молитва
Святый отче Андрее, небесный человече, услыши горестный плач наш от бедствия нашего возносимый, яко умалени до конца и несть в народе нашем человека избавляюща, о Боге небрежем, царя предахом, жены наши извергают, юноты в непослушании ходят, архиереи нечестивыя лобзания с латинами творят, мы же о себе тщимся паче, нежели о вере Православной и ближних наших.
Ты на небеси, во славе небесной пребываеши, мы же, грешные, низу на земли во тьме ходим и выну Бога нашего прогневляем. Ты, праведниче добрый, Богу угодивший, во свете небеснем пребываеши и выну зриши светлый лик Христов. Вознеси к Нему молитву о нас, яко стыдимся и срамляемся воздвигнути лица наша к Богу Вышнему, яко беззакония наша умножися паче глав наших, и прегрешения наша возрастоша даже до небесе (1Ездр. 9,6), иже пролиять уже готовы гнев свой на нас недостойных.
Чрез тебе, святый отче, надеемся донести плач наш до Господа нашего.
Да услышит ны Господь и рукою Своею крепкою наставит на путь истинный, яко подал ти помощь в дни скорби твоея, да возставит во истине сердца наша, подаст разум и силу нам немощным, просветит души наша Своею благодатию и к вышнему миру народ Святой Руси направит, идеже вечная слава и великолепие лица Господня пребывает, Отца, и Сына, и Святаго Духа, Троицы Единосущней и нераздельней.
Тропарь, Глас 4
Земных благ возненавидевше, и Небеснаго Царя Христа, Сына Божия возлюбивше,/
многообразные труды и нападения вражии, добрым произволением радостно понесше,/
и венец от Бога приявше, о нас молися прилежно,/
преподобне отче Андрее, пустынниче Соловецкий.
===
Тропарь всем Соловецким святым, глас 4
Взыскующе Христа вожделеннаго бисера, во страну полунощную востекли есте, и подвигом первоначальников соловецких поревновавше, леса и пустыни облагоухали есте своими богоугодными молитвами. Темже и Христос вас прослави, и мы вопием: вси святии Соловецтии, молите Бога спастися душам нашим.
Кондак всем Соловецким святым, глас 3
Духовнаго жительства желающе, устремистеся в суровыя островы Беломория и, безбедно преплывше житейское море, соблазнов мирских избегосте и в радости велией водвористеся.
Непрестанным умным восхождением Бога достигли есте и нас учите небесному восходу.
Кондак 1
*А*ндрее, отче преподобне, земное житие многотрудное со многими скорбями прошедый, взыскал еси Христа в сердце твое, и с Ним прешел еси в жизнь вечную, идеже ни скорбь, ни теснота, ни болезнь более не властвуют, но жизнь безконечная посреде райскаго веселия. Сего и нас сподоби улучити молитвами твоими, да поем ти:
Радуйся, Андрее, пустынниче Соловецкий.
*Икос 1
*Н*е упокоению леностному и угождению плоти предавался еси, отче Андрее, но избрав многоскорбное житие пустынническое, гладом и жаждою томимый, многоразличными наваждениями бесовскими колеблемь, биения, болезни и ругательства претерпевый, лютыми помыслами терзаемь, не оставил еси жития сего претруднаго, яко подаде ти Христос благоуветливое вспоможение, яко верному и испытанному сыну Своему. Сего ради образ и нам показуеши, яко претерпевый до конца, той спасен будет(Мф. 10,22) и аще сам искушаемь быв, может и искушаемым помощи (Евр. 2, 18), испрашиваем, святый отче Андрее, молитв твоих поюще ти таковая:
Радуйся, еще на земли суще Христа в сердце прияв, улучил спасение;
Радуйся, имеяй селение идеже мимоиде тление; (3Е, 7,53)
Радуйся, радость небесную земным трудом приявый;
Радуйся, образ отречения жизни ни теплой, ни студеной (Откр.3,17) нам всем давый;
Радуйся, Андрее, пустынниче Соловецкий.
Кондак 2
*Д*еланию духовному положил еси начало трудником Соловецкой обители, при игумене Варлааме. Пришедши семо трудился еси в Сосновой веси, вываривая соль. Обаче убегая сланой земли приснозлобия и к плодоносности духа устремляяся (Пс.106,34), мыслями о гресех понуждаемь, удалился еси в пустыню непроходную, идеже сердце, душу и силы своя (Втор.6,5) устремил еси к Богу, выну поя Ему: Аллилуиа.
Икос 2
*Р*ачению пустынных отцев подражая, уединился еси, отче Андрее, в пустыню, идеже гладом и мразом бе томим. Егда же искушаше тя диавол, понуждая выйти из затвора, помощь Божия проливалась на тя дождем и громом небесным летом, мразом жестоким, кости сокрушающим, зимою, да не престати ти от затвора. Сего ради помощию Божиею и своим старанием достигл еси безстрастия о трех летех, и наградою от Бога явися ти муж светозарный, предложив яко Адаму в Раи, травие в пищу, таже и в питие воду езерную. Житию твоему, отче Андрее, дивяся, еже пятьдесят и осмь лет жития пустыннаго и претруднаго проводил еси, поем ти:
Радуйся, помощию Божией вражия приражения побеждавый;
Радуйся, и свое немалое старание к сему прилагавый;
Радуйся, мутныя воды неверия на воду присноживотную пременивый.
Радуйся, мраза и глада не убоявыйся;
Радуйся, Андрее, пустынниче Соловецкий.
Кондак 3
*Е*лицы мира бегающие, посвятити себе без остатка Богу для приятия жизни вечной устремляются, тако и ты, преподобне отче Андрее, в вертепе отшелническом во многом времени подвизался еси. Мы же, недостойнии, во многом времени земнаго жития нашего, много ли призываем пришедшаго для спасения нашего превечнаго Бога, Иже бо многаго нашего ради рода роди Богородица?
Яко отшельник Андрей, иногда в вертепе убогом, в пищи скудной и тесном житии обреташеся, ныне спасения удостоивыйся, молится о нас, в юдоли земной пребывающих, да и мы возможем благих улучити, поя в безконечные веки: Аллилуиа.
Икос 3
*Ю*доль плачевную жития земнаго прошед, достигл еси небесных обителей, образ предлагая нам не пещися о земных, прилагая сердце к богатству текущему (Пс. 61,11), иже всякому различное бывает: овому злата собрание, овому красота телесная, овому ум острый или язык красноречивый, овому же благодать Божия. Обаче не для услаждения таланты раздает щедроподательный Господь, но возрастания ради духовнаго и помощи ближнему, прихождения в силу высокую, да бы подавати неимущим от сего богатства недостающее. Сего ради и мы, надеющеся от богатства твоего, отче Андрее, получити вспоможение со страстьми борением, поем ти:
Радуйся, сердце твое без остатка Богу отдавый;
Радуйся, сердце твое жилищем Господу соделавый;
Радуйся, силу темную, страстную поправый;
Радуйся, безстрастия достигнувый;
Радуйся, Андрее, пустынниче Соловецкий.
Кондак 4
*О*бновлен ум соделав умирением помыслов, и небесною любовию ко Господу влекомый, жительство свое на небеси приуготовал еси, отче Андрее, еще живя в пустыни убогой и хладной. Да внегда ослабевшая земная храмина тела разорится (2Кор.5,1), потаенный сердца человек вселится в жительство новое на Небесех, идеже в неистлении кроткаго и молчаливго духа (1Пет.3,4), преходити будет вечно пред Богом, воспевая Ему: Аллилуиа.
Икос 4
*Т*роице Святей душу свою устремляя, отче Андрее, убегл еси в пустыню, не трапезы царевой и пития искати, но твердо стати Отцу Небесному в служение, возсыновления достигая, не поклонился еси страхам князя мира сего и чрез огнь искушений прошед, в триех летех достигл еси безстрастия, и ныне, пред лицем Божиим поеши. Помяни и нас, поющих ти сицевая:
Радуйся, всецело Святей Троице послуживший;
Радуйся, в радость Господа твоего вшедший;
Радуйся, рабе благий и верный; (Мф.25,23)
Радуйся, в малом был еси верен, над многими поставленный;
Радуйся, Андрее, пустынниче Соловецкий.
Кондак 5
*Ш*ествоваху путем скорбным, преподобне отче Андрее, достигл еси Божественнаго света, чрез истребление страстей страданием произвольным: сеющии бо слезами, радостию пожнут (Пс.125, 5) и, благодаря Господа за вся, пременил еси скорби земныя на свет небесный, идеже несть болезнь, ни печаль, ни воздыхание, но выну пение вкупе с горними силами: Аллилуиа.
Икос 5
*Е*гда Тя, Христе, в шестый день рекшаго, множитися человекам и наполняти Землю (Быт.1,28), мног народ тесняху, едина прикоснуся Тебе, исцеления ища(Мк.5, 25), еже не возмогла еси от многих врачей, получити, обаче много от тех пострадаша, многая имения издержаху.
Тако и святии суть малое стадо от многаго человечества, теснящаго Тя, образ предлагают и нам грешным, пещися о малом, едином на потребу (Лк.10,41-42).
Посреде же многих званных (Лк.14,24), но паче теснящих Христа, нежели вдающих сердце свое, по словеси Его: "Даждь ми, сыне, твое сердце" (Пр. 23,26), мало избранных святых , сияющих преподобием своим, якоже ты, отче Андрее, ныне в мире горнем пребывающий и поемый от земли тако:
Радуйся, святый Божий избранниче;
Радуйся, о нас земных небесный молитвенниче;
Радуйся, лицезрению Христа ныне радуяйся;
Радуйся, жилищем Бога Живаго сотворивыйся (2Кор.6,16);
Радуйся, Андрее, пустынниче Соловецкий.
Кондак 6
*Л*озы Христовой гроздие соделался еси, в пещере темной пребывая, неплодных дел тмы бегая (Флп.5,11), и от мертвенности мира удалившись в пустыню, идеже духом воскресая, освещен бе благодатию Христовой (Флп.5,14).
Помози и нам, темнопадшым во мраке прегрешений, возрастати в вере Христовой, выну содержа света Его сияние в сердцах наших, да поем вкупе с тобою, отче Андрее, песнь сладчайшую: Аллилуиа.
Икос 6
*Н* икакая скорбь, ни теснота, ни нагота, не возмогут вредити человека, аще благодать Божия пребывает в сердце. Внегда же богатство и слава века сего, сытостью и ласкосердием увлекают человеков, тогда не имать Дух Божий пребывати в них, зане суть плоть (Быт.6.3)
Обаче ты, отче Андрее, благодать Божию в терпении мнозе (2Кор,6) стяжавший, помози молитвами твоими снискати посещения Божиего и наших сердец, поющих ти сицевая:
Радуйся, во благодати Божией жителю;
Радуйся, жительства убогаго любителю;
Радуйся, в нищете и наготе пребывавый;
Радуйся, одежду светлую пакибытия снискавый;
Радуйся, Андрее, пустынниче Соловецкий.
Кондак 7
*И*значала прияша благочестие неповредно, чрез Зосиму и Савватия преподобных, сохраняху братия Соловецкая, законы незыблемы, предание неущербно, ничто же претворяюще, или привносяще, ниже латинския, ни прочия иныя ереси принимаша и толь твердо храниша Святое Православие, яко во время искушений кровьми запечатлеша, даже до смерти, живота своего не жалеша.
Посреде же безчисленных общежителей, велицех постников и пустынных безмолвников, яко пресветлая звезда просияша вышеестественной благодатию Андрее, пустынножителю Соловецкий, маловременными скорбями и страданием на вечную небесе славу Богом возведенна, Ему же, подателю всех благих поем: Аллилуиа.
Икос 7
*К*орытца добрыя два имея, едино с водицею, иное со травою, насыщался еси паче питием и брашном небесными, хлебом насущным Христовой благодати и водою от источника воды животныя (Откр.21,6). Не яко две кошницы в видении Иеремиином (Иер.23,1-10) едина добрая, иная злая, юже отсечет Господь, яко и глаз лукавый ко злу влекущий, да не увидит Царствия Божия, обаче тебе, отче Андрее, избранному Божию, обе руце имущему на доброе делание (Мф.5,30) и оба ока, коими ныне зриши Троицу Святую (Мф.5,29), поем:
Радуйся, яко ухлеби тя Господь хлебом разума (Сир, 15,3)
Радуйся, яко напои тя Господь водою премудрости (Сир, 15,3)
Радуйся, собеседниче ангелов благословенный;
Радуйся, к лику великих пустынников сопричтенный;
Радуйся, Андрее, пустынниче Соловецкий.
Кондак 8
Убежал еси, отче Андрее, в пустыню непроходную, да не зрети земными очами суеты земной, но отверстыми очами душевными видети Небесное, зрение бо душевное упраздняет земныя страсти, внегда не земное уже господствует, но небесное, и душа сия предпочитает небесныя радости земным: тесный и хладный вертеп пространному теплому дому, наготу пышным одеждам, воду езерную сладкому питию, и сельную траву яствам пиров, обаче едино есть еже на потребу, возводя очи свои на Небо, выну пети благодатному Богу вся дарующему: Аллилуиа.
Икос 8
*П*риходя от силы в силу со страстьми борением и восходя к райскому образу, срывал еси, отче Андрее, слой за слоем, яко лука, от риз кожаных, ихже получи Адам от Бога, из Рая ходяще, не требуя более сей защиты, ибо благодать Божия укрываше тя и нападения диаволи помалу угасе. Сей образ и нам показуеши, яко не в высоких и красных палатах земных обитает Господь, Иже родися в яслех вертепа Вифлеемскаго, и для снискания благодати Христовой довольно нищеты пещеры убогой, брашна препростаго и сердца чистаго от страстей. Да улучим и мы, молитвами твоими спасения Христова поя ти отче пустынный:
Радуйся, не приявший в сердце твое еже есть настоящее; (3 Ездры, 7, 16)
Радуйся, приявший в сердце твое еже есть будущее;
Радуйся, яко стяжал еси сердце Христа любящее;
Радуйся, яко на Небесех твое жилище; (Флп. 3, 20)
Радуйся, Андрее, пустынниче Соловецкий.
Кондак 9
*Р*адуйся, Андрее пустынниче, приобретший многие таланты и услышавший от Христа: добре, рабе благий и верный, о мале был еси верен (Мф.25,21), вниди во Царствие Мое. Аще праведный износит из богатства своего сердца доброе, нам грешным, износящим злая, подобает истребляти оное. Помози же нам, отче Андрее, паче свои таланты сокрывающим, нежели приобретающим, твоими молитвами, да изринем хотя бы злая из себе. Аще един злый кодрант изринем, да подаст нам Господь зрение двух, на два изринутых злых, подаст зрети трие, доколе не изринем до последнего кодранта злаго (Мф.5,25), идуще на Суд Божий, идеже надежду имамы, суще зли, пременити у Христа добраго кодранты злые на таланты добрые, сотворяя себе други от мамоны неправды, и да приимет нас Господь в вечные кровы Свои, идеже возможем пети вкупе с тобою, заступниче наш, отче Андрее: Аллилуиа.
Икос 9
*И*збегая суеты мира сего, пустоты и безсмысслия, лишь видению земных очей привлекательных, удалися еси в вертеп пустынный, да не своих рук плодами, но токмо Богом подаваемых насыщатися.
Не строителям башни Вавилонской подобяся, иже плинфою и смолою, от своих рук дел строили ея, устроял еси, отче преподобне, здание на камени нерукотворенном, Иже отвергоша зиждущии вавилоняне.
Бремя бо малое человеку предлагает Господь, но малую высоту всякаго труда человеча Своим высоким милосердием восполняет, да с сей высоты преподобия удобее возлетати душе совершенной в Царствие Небесное. И ныне в Раи, отче Андрее, о нас молися, да отринем плоды суемудреннаго ума и мыслей плотских к земле влекущих, сих плинф вавилонских, скрепляемых смолою гордости и устремим ко Христу души, сердца и вси силы своя, и приидем вслед тебе в Царствие Небесное, поюще:
Радуйся, страх Господень, иже есть дар от Господа, стяжавший; (Сир.1,13)
Радуйся, вся красная мира сего нивочтоже вменивший.
Радуйся, яко в безлюдии слаждше заповедям Господним внимавший;
Радуйся, надеющеся пространных тесноту понесший; (3Е, 7,18)
Радуйся, Андрее, пустынниче Соловецкий.
Кондак 10
*Н*осителем истиннаго образа Божия и человече любви, явился еси, отче Андрее, во дни земнаго жития, и по успении твоем обрел еси божественную благодать предстательствовати пред Богом о нас, почитающих святую память твою.
Молися за ны, да и посреде нас явятся людие любви и человецы Божиии, могущие удержавати мир от погибели и пришествия антихристова, да николиже оскудеет любовь и благодать Божия на Руси Святой, да выну в обителех, храмах, и в сердцах верных возносится песнь о Господе: Аллилуиа.
Икос 10
*О*тверстие малое в пещеру темную сотворил еси, еже входом тесным в светлое Царствие Небесное явилося есть, узкая бо врата, и тесный путь вводят в живот, и мало их есть, иже обретают его (Мф.7,14). Посреде малых сих на небесех обретаешися ныне, отче Андрее, идеже не токмо зриши Светлый лик Христов, но и на нас темнопадших, в присномутном жития море сущих призираеши, поющих ти сице:
Радуйся, Святой Троицы присный зрителю;
Радуйся, почитающих память твою ко Христу водителю;
Радуйся, в Царствие Небесное тесными враты прошедый;
Радуйся, како путь тесный всем проити поведый;
Радуйся, Андрее, пустынниче Соловецкий.
Кондак 11
*Ш*ум листвий вертограда пустыннаго предпочел еси шумливой суете мира, и наготу страстной жизни одеянию, да бы улучити снедь от древа животнаго скороувядаемых земных трав брашном, и пременити житие многотрудное на веселие некончаемое в Раю всечестном, посреде краснейшей доброты, в богозданном селении. И ныне, сему великолепию окрест себе радуяся, преподобне отче Андрее, в неизреченном свете пребывая, с Небеси воспеваеши вкупе с нами, от земли поющими, песнь Христу Богу: Аллилуиа.
Икос 11
*Е* лико могий князь мира сего восташа на тя, преподобне отче Андрее, обратити тя ко страсти желая, обаче ты обладаше им и, подобно злаку сельному ко Солнцу растущему, умножал еси в плод в семени, Богом насажденном, господствуя над землею страстных желаний плоти, ум с сердцем соединяя, и пребывая выну в посте и молитве, и тем пустым содела искушения сатанинския. И взяша тебе, отче Андрее, Бог под крепкую руку Свою, вознесл есть на высоту, много бо может милость Божия человеку помогати. На твое же предстательство о нас надеяся, поем ти:
Радуйся, ныне в шуме листьев райских празднующий; (Пс.41,5)
Радуйся, яко ти отверст есть рай и насаждено древо жизни; (3 Ездры, 8,52)
Радуйся, Царствие благолепия и венец доброты от руки Господни приявший; (Прем. 5,16)
Радуйся, райское жилище святых унаследивый.
Радуйся, Андрее, пустынниче Соловецкий.
Кондак 12
*Н*аемником притекл еси во обитель Соловецкую и по триех летех варения соли, восхотел еси всыновлению тещи, солию Духа Божиего влекомый, в дебрь пустынную вселился, идеже солию земли соделался, да зря тебе, преподобный отче Андрее, не омочивому со Христом в солило подобимся, почтившему предательством честь сию, не столпу сланому, обратившеся вспять, но тебе, доброй соли Христовой, поюще: Аллилуиа.
Икос 12
*И*ный пустыннолюбец, отче Андрее, тебе подобный, Василий Кеноезерец, иногда обрете тя в вертепе утаенном и поведа миру всему о житии твоем, соделав пользу спасению нашему, обретохом бо тя яко светильника, поставленнаго над зде, а не под спудом, иже осветити может хождение наше по морю волнующагося жития бурнаго.
Обаче по времени малому, Василий паки искаше тя, но не обретоша ни дебри, ни горы, ни вертепа, ибо потаен бе от глаз человеческих в сокровенной пустыни спасения Христова. Се бо и нам помози быти сокрытыми от натиска антихристова в пустыни сей, идеже ни похоть плотская, ни похоть очима, ни гордость житейская (1Ин. 2:16), ничесоже злаго вредит нас, да молитвами твоими покрываемии, преподобне отче, поем ти:
Радуйся, праведниче, ко Господу близ ставший;
Радуйся, светом подвига твоего вся чтущия тя облиставший;
Радуйся, иногда в пустыни земной сокрытый;
Радуйся, от мира горняго на помощь всем нам выну открытый;
Радуйся, Андрее, пустынниче Соловецкий.
Кондак 13
*Е*стества обычая утаися, преподобне и дивне пустынножителю Андрее, трудником соловецким бывый , иже пятьдесят и осмь лет пустынно уединением Господеви работав, вышеестественныя благодати сподобися.
Благодарим Господа, о тебе, Иже с высоты снизшедша в сердце твое да новую плоть сотворити, содела тебе преподобным. Молися о нас, досточтимый отче, да снизойдет и в наша сердца благоуветливый Господь и поживет в нас. Несть бо нам иного пути, да возстати от земли и пети в горнем мире вкупе с тобою: Аллилуиа.
Молитва
Святый отче Андрее, небесный человече, услыши горестный плач наш от бедствия нашего возносимый, яко умалени до конца и несть в народе нашем человека избавляюща, о Боге небрежем, царя предахом, жены наши извергают, юноты в непослушании ходят, архиереи нечестивыя лобзания с латинами творят, мы же о себе тщимся паче, нежели о вере Православной и ближних наших.
Ты на небеси, во славе небесной пребываеши, мы же, грешные, низу на земли во тьме ходим и выну Бога нашего прогневляем. Ты, праведниче добрый, Богу угодивший, во свете небеснем пребываеши и выну зриши светлый лик Христов. Вознеси к Нему молитву о нас, яко стыдимся и срамляемся воздвигнути лица наша к Богу Вышнему, яко беззакония наша умножися паче глав наших, и прегрешения наша возрастоша даже до небесе (1Ездр. 9,6), иже пролиять уже готовы гнев свой на нас недостойных.
Чрез тебе, святый отче, надеемся донести плач наш до Господа нашего.
Да услышит ны Господь и рукою Своею крепкою наставит на путь истинный, яко подал ти помощь в дни скорби твоея, да возставит во истине сердца наша, подаст разум и силу нам немощным, просветит души наша Своею благодатию и к вышнему миру народ Святой Руси направит, идеже вечная слава и великолепие лица Господня пребывает, Отца, и Сына, и Святаго Духа, Троицы Единосущней и нераздельней.
Тропарь, Глас 4
Земных благ возненавидевше, и Небеснаго Царя Христа, Сына Божия возлюбивше,/
многообразные труды и нападения вражии, добрым произволением радостно понесше,/
и венец от Бога приявше, о нас молися прилежно,/
преподобне отче Андрее, пустынниче Соловецкий.
===
Тропарь всем Соловецким святым, глас 4
Взыскующе Христа вожделеннаго бисера, во страну полунощную востекли есте, и подвигом первоначальников соловецких поревновавше, леса и пустыни облагоухали есте своими богоугодными молитвами. Темже и Христос вас прослави, и мы вопием: вси святии Соловецтии, молите Бога спастися душам нашим.
Кондак всем Соловецким святым, глас 3
Духовнаго жительства желающе, устремистеся в суровыя островы Беломория и, безбедно преплывше житейское море, соблазнов мирских избегосте и в радости велией водвористеся.
Непрестанным умным восхождением Бога достигли есте и нас учите небесному восходу.
Комментарии
Отправить комментарий