Краегранесие: Антонию мученику приношение
Кондак 1
*А*нтонию мученику приношение молитвенное совершаем, Троице Святей до смерти послужившему и Царствие Небесное наследовавшу, емуже радостию поем:
Радуйся, мучениче Антоние, Троическую любовь кровьми живописавший.
Икос 1
*Н*ощною стражею приял еси кончину мученическую, отче Антоние, от нощи житейской преходя в незаходимый свет Христов дня вечнаго. О нас молися, святый отче, не имущих, ни дерзновения, ни силы, ни постояния, но да и мы жительствуем во дни сем, надеждою на милосердие Божие, и твое предстательство о нас, поющих ти:
Радуйся, злоденствие земное на благоденствие небесное пременивый;
Радуйся, любовь человека Богу кровию своею явивый;
Радуйся, в нетление от тли мученически привиденный;
Радуйся, Святей Троицы ради убиенный.
Радуйся, мучениче Антоние, Троическую любовь кровьми живописавший.
Кондак 2
*Т*роицу, ангельски пришедшую, Авраам некогда добродетелию и страннолюбием прият, тебя же, отче Антоние, кровьми мученическими прият Святая Троица, Юже ныне непосредственно зриши и славиши: Аллилуиа.
Среда Сырная, п.4. ст.1
Авраам добродетелию и страннолюбием Троицу прият, ангельски пришедшую.
Икос 2
*О*бразом Иова многострадальнаго зрим, кое бывает действие злобы диавольской, аще отымет Господь крепкую руку от чада Своего возлюбленнаго. Обаче, пыхание адово, в верных Божиих, бывает лишь к вящшей славе Божией, ибо образует новаго предстателя за нас земных, яко же и мученика Антония. Ему подобяся, ко Святей Троице распалаеми имеем сердца наши, поя мученику преславному:
Радуйся, о нас земных небесный заступниче;
Радуйся, в следовании Богу даже до мученичества наставниче;
Радуйся мучениче, идолов поправший;
Радуйся, пред Троицю мученически представший;
Радуйся, мучениче Антоние, Троическую любовь кровьми живописавший.
Кондак 3
*Н*еснаго Царствия наследниче явился еси, отче Антоние, людем дерзостным сопротивяся, в Троице Единаго Бога проповедающе, мечным усечением умерщвляем благочестия ради, светел страданием быв, тепле отгоняюще от земли лесть многобожную, ныне поеши в славе незаходимой: Аллилуиа.
Икос 3
*И*стиннаго Бога любителя и идолов потребителя, предстателя нашего благопослушливаго, мучениче Антоние, тя чтуще молим, очищению и просвещению тобою дароватися душам нашим, да поем ти:
Радуйся, на обличение идольской лести во Апамею пришедший;
Радуйся, не земную, но небесную славу обретший;
Радуйся, яко убиение плоти приял еси во спасение;
Радуйся, яко ныне на небесех пиеши чашу упоения;
Радуйся, мучениче Антоние, Троическую любовь кровьми живописавший.
Кондак 4
*Ю*гом сеющие жнут класы присноживотия, тако и ты, отче Антоние, благословение от земнаго владыки апамейскаго испросив, начаша храм Святой Троицы воздвизати, но кончину мученическую от рук нечестивых восприяв, благословения присноживотнаго Святой Троицы улучил еси, и ныне поеши в селениих вечных: Аллилуиа.
Икос 4
*М*ученичества кровию твоею, мучениче Антоние, распали души наша, любовию почитающих тя, ко Господу, Егоже благодатию возвышаеми, потщимся победити страстные помыслы выну находящии на ны в житии, да поем ти:
Радуйся, жестокия раны страстей претерпевший;
Радуйся, мучителей дерзость низложивший;
Радуйся, молитися за ны пред Святей Троицей дерзновение получивший;
Радуйся, яко вражии силы поправший;
Радуйся, мучениче Антоние, Троическую любовь кровьми живописавший.
Кондак 5
*У*мервщляемы грехми многими и души мертвыя в житии обносяще, живоносными молитвами твоими, отче Антоние, всего себе в жертву Святей Троице принесшаго, хотя бы малую часть твоей любви иметь потщимся, греси наши из себе изринем, и яко жертву малейшую Богу милующему на Суд принесем, да впустит нас паки в Рай, идеже вкупе с тобою воспоем песнь: Аллилуиа.
Икос 5
*Ч*еловече Божий, отче Антоние, пети Троицу Единосущную житием твоим научаеши и, яко светило явльшеся вселенней, просвещаеши нас заблудших, вопиющих ти:
Радуйся, яко презрел еси мудрование земное;
Радуйся, яко обрел еси премудрость небесную;
Радуйся, на небеса мученичеством прешедший;
Радуйся, вечное спасение приобретший;
Радуйся, мучениче Антоние, Троическую любовь кровьми живописавший.
Кондак 6
*Е*диносущнюю Троицу возлюбил еси всем сердцем и душою, всею крепостию и разумением, сего ради возненавиде тя, отче Антоние, нечестие земли и руками нечестивых победу тщетную праздновало, но вослед Победившему смерть, на небо вознесся, победив земное, и трепещет ветхое земли, ожидая страшнаго пришествия Господня, имущаго судити всяческая, да поем Ему: Аллилуиа.
Икос 6
*Н*а уды разсекаемь, Троице Святей принесеся жертва благовонная, мучениче Антоние, и нам отшедшим от сего жития испроси Божественный покой и содеянных разрешение во веки, да поем ти:
Радуйся, храма Святой Троицы присный обитателю;
Радуйся, чтущих тя помыслов просветителю;
Радуйся, кровию твоею душ наших исцелителю;
Радуйся, яко стократный клас Богу принесший земледелателю;
Радуйся, мучениче Антоние, Троическую любовь кровьми живописавший.
Кондак 7
*И*долов сокрушителю, отче Антоние, помози нам предстательством твоим сокрушити идолов страстей и похотей душ наших, имже присно работаем, да с тобою вкупе славим Бога милующего и вся прощающего чадом Своим кающимся и вопиющим Богу: Аллилуиа.
Икос 7
*К*аменщик добрый был еси, мучениче Антоние, помози нам тайныя дела каменщиков злых ясными очами души зрети и поборати сих, иже выну противу нас стены зла строют из плинф лукавых лжи, но да воздвигнем в сердцах наших несокрушимую стену истины Христовой из добрых дел веры да поем ти:
Радуйся, от добраго сердца очами отверстыми Бога зрящий;
Радуйся, от сердца на зло закрытое, зло ясно различающий;
Радуйся, всем сердцем на Бога уповающий;
Радуйся, нас обомуренных к Богу тещи побуждающий;
Радуйся, мучениче Антоние, Троическую любовь кровьми живописавший.
Кондак 8
*У*милостиви Создателя о хвалящих тя, мучениче Антоние, избавитися озлоблений и скорбей окрест нападающих, да избавившеся от напастей, возвеличим непрестанно прославльшаго тя Господа: Аллилуиа.
Икос 8
*П*рещений идольских не убояся, мученичеством краснейший явился еси, прославивше удесы своими Троицу Святую, ныне прославляешися непрестанно. Помози и нам, мучениче Антоние, любовь стяжати, яже приведет и нас на небеса пети и славити Пресвятую Троицу, якоже ныне на земли поем и славим тя, святый отче:
Радуйся, Святую Троицу кровьми исповедавший;
Радуйся, во плоти сый безплотнаго врага победивший;
Радуйся, на небеси лики ангельскими воспеваемый;
Радуйся, и нами грешными от земли похваляемый;
Радуйся, мучениче Антоние, Троическую любовь кровьми живописавший.
Кондак 9
*Р*евностию Божией горя, сокрушил еси идолов апамейских, помози нам теплохладную терпимость греху сокрушити в сердцах наших, да выну горя ревностию по Бозе, еретическому зловерию противимся, и не человекам, но Богу Единому поклоняемся, выну поя: Аллилуиа.
Икос 9
*И*стину, яже есть Церковь, Вечность, Создатель, Святая Троица защищал еси, мучениче Антоние, крове дав, и небеса наследовав, временно искусившеся, вечно радуешися. Не яко наемник бегаяй страха идольскаго, но яко верный сын Отца Небеснаго душу свою положил еси мученически. Сего ради и нам светиши блистанием подвига своего, поющим ти:
Радуйся, упасенный на воде упокоения;
Радуйся, жертва совершенная Божиего закаления;
Радуйся, яко безконечные лета жизни обретший;
Радуйся, себе в жертву яко Бог Сына Своего, принесший;
Радуйся, мучениче Антоние, Троическую любовь кровьми живописавший.
Кондак 10
*Н*езаходимый Свет не возлюбиша люди апамейские и злобою сатанискою движими, привели тя, мучениче Антоние, к Троице Святей, себе же оставили огнь геенский, тьмы осязание (Иов, 12,25), и неведение мрачное в тесноте адовой, идеже не воспоют Господу во веки вечные: Аллилуиа.
Икос 10
*О*дебеле плотию Адам из Рая ходя, и Бога уничижив, ризы кожаны грехом прият. Ты же, отче Антоние, всею крепостию своею возлюбив Бога, на усечение мечное плоть предав, совлекшеся риз кожаных, вшед паки в Рай. Сего ради поем ти:
Радуйся, плотию земной усечением в Рай небесны восшедший;
Радуйся, во свете невещественнем и умном выну пребывающий;
Радуйся, тело бренное мученически отбросив, безтелесных общником соделавшийся;
Радуйся, красоты Троической достойно ныне наслаждаешися;
Радуйся, мучениче Антоние, Троическую любовь кровьми живописавший.
Кондак 11
*Ш*ум суеты житейской не заглуши в тебе, мучениче Антоние, пения Райскаго и глаголы жизни вечной, не приклонил бо еси колена пред натиском мира сего, и противистася мучителем, просветиша подвигом твоим языки заблуждшыя, общники ангелов сотворяя сыны человеческия, научая пети Троицу Единосущную: Аллилуиа.
Икос 11
*Е*динаго Тя в триех лицах, Бога всех пою, Отца, и Сына, и Духа Святаго, вопиял еси, мучениче Антоние, еще на земли суще, такожде вопиеши и ныне на Небесех. Поклонение бо истине возводит на небо, поклонение лжи и греху, низводит во ад, сего помози нам избегнути, да молитвами твоими улучим небесная, поюще ти:
Радуйся, духом и истиною Богу поклонивыйся;
Радуйся, подвигом твоим и нашего ради спасения потрудивыйся;
Радуйся, в нетление Божественное оболкшийся;
Радуйся, демонов прогонителем явившийся;
Радуйся, мучениче Антоние, Троическую любовь кровьми живописавший.
Кондак 12
*Н*екогда град Апамейский красовашеся лепотою идольскою, но аще не Господь созиждет град, пуст обретеся, камения идольские распадахуся, всуе бо трудишася зиждущии. Занеже не леть граду стояти, Святую Троицу отвергшему, град апамейский и поныне в запустении стоит, твоего подвига, мучениче Антоние, не терпя. Ты же, полнотою Троической упояваемь, поеши пред престолом Всевышним: Аллилуиа.
Икос 12
*И*н есть сеяй, и ин есть жняй, ты же, мучениче Антоние, насеял, мы же пожинаем плоды веры твоея и иных мучеников от века пострадавших и в труд ваш внидоша, се бо и радуемся ныне, имея пред собой образ жизни вечной, пред всяким смертным открытый. Молися вкупе, отче Антоние, с иными мучениками о нас, да и мы явимся во время оно пред Святой Троицей, аще и пострадати честь от Бога возымем, поюще вам сице:
Радуйтеся, яко благочестивых сердца, кровными каплями напоисте;
Радуйтеся, яко злочестивых полки в них потописте;
Радуйтеся, муки и болезни претерпевшии;
Радуйтеся, непреклонну и невредиму веру сохранившии;
Радуйтеся, вси святии мученицы, Троическую любовь кровьми живописавшии.
Кондак 13*
*Е*динице простой, трисветлой, начальственнейшей, всемощнейшей, всежизненной, Богу и Господу, Отцу вседержителю, Сыну и Духу послуживший даже до смерти мученической, молися, отче Антоние о еже спастися нам, поющим: Аллилуиа.
П-к, 1-й седм. П1. Троичен.
Молитва
Святый мучениче Антоние Апамейский, ты презревше земное естество к небесным устремился еси и кровьми мучений омывши душу твою, сердце имея горе, вознеслся еси пред лице Пресвятей Троицы.
Молися за ны святый мучениче, да и мы твоим светлым образом побуждаеми, николиже приложим сердце ветхому человеку, в тесноте жития земнаго исчезающего, но презрим уныния дремание и пустоту суеты земной.
Внегда же найдет на ны испытания час, да николиже уныния бес, печаль житейская, возобладают сердцами нашими, но образом светлаго жития твоего просвещени, отстранимся похоти очей, похоти плотской и гордости житейской, но очи наша от земли на небеса восперим, да выну, тебе подобяся, поем и славим Пресвятую Троицу, вся освящающую и просвещающую, единосущную и нераздельную.
Тропарь, гл.4
Бодренным духом и сердцем горящим
исповедал еси Пресвятую Троицу,
и презрев мучения идольския,
святый мучениче Антоние Апамейский,
ныне кровьми на высоту небесную вознесенный
выну зриши и поеши
Пресвятую Троицу.
Кондак 1
*А*нтонию мученику приношение молитвенное совершаем, Троице Святей до смерти послужившему и Царствие Небесное наследовавшу, емуже радостию поем:
Радуйся, мучениче Антоние, Троическую любовь кровьми живописавший.
Икос 1
*Н*ощною стражею приял еси кончину мученическую, отче Антоние, от нощи житейской преходя в незаходимый свет Христов дня вечнаго. О нас молися, святый отче, не имущих, ни дерзновения, ни силы, ни постояния, но да и мы жительствуем во дни сем, надеждою на милосердие Божие, и твое предстательство о нас, поющих ти:
Радуйся, злоденствие земное на благоденствие небесное пременивый;
Радуйся, любовь человека Богу кровию своею явивый;
Радуйся, в нетление от тли мученически привиденный;
Радуйся, Святей Троицы ради убиенный.
Радуйся, мучениче Антоние, Троическую любовь кровьми живописавший.
Кондак 2
*Т*роицу, ангельски пришедшую, Авраам некогда добродетелию и страннолюбием прият, тебя же, отче Антоние, кровьми мученическими прият Святая Троица, Юже ныне непосредственно зриши и славиши: Аллилуиа.
Среда Сырная, п.4. ст.1
Авраам добродетелию и страннолюбием Троицу прият, ангельски пришедшую.
Икос 2
*О*бразом Иова многострадальнаго зрим, кое бывает действие злобы диавольской, аще отымет Господь крепкую руку от чада Своего возлюбленнаго. Обаче, пыхание адово, в верных Божиих, бывает лишь к вящшей славе Божией, ибо образует новаго предстателя за нас земных, яко же и мученика Антония. Ему подобяся, ко Святей Троице распалаеми имеем сердца наши, поя мученику преславному:
Радуйся, о нас земных небесный заступниче;
Радуйся, в следовании Богу даже до мученичества наставниче;
Радуйся мучениче, идолов поправший;
Радуйся, пред Троицю мученически представший;
Радуйся, мучениче Антоние, Троическую любовь кровьми живописавший.
Кондак 3
*Н*еснаго Царствия наследниче явился еси, отче Антоние, людем дерзостным сопротивяся, в Троице Единаго Бога проповедающе, мечным усечением умерщвляем благочестия ради, светел страданием быв, тепле отгоняюще от земли лесть многобожную, ныне поеши в славе незаходимой: Аллилуиа.
Икос 3
*И*стиннаго Бога любителя и идолов потребителя, предстателя нашего благопослушливаго, мучениче Антоние, тя чтуще молим, очищению и просвещению тобою дароватися душам нашим, да поем ти:
Радуйся, на обличение идольской лести во Апамею пришедший;
Радуйся, не земную, но небесную славу обретший;
Радуйся, яко убиение плоти приял еси во спасение;
Радуйся, яко ныне на небесех пиеши чашу упоения;
Радуйся, мучениче Антоние, Троическую любовь кровьми живописавший.
Кондак 4
*Ю*гом сеющие жнут класы присноживотия, тако и ты, отче Антоние, благословение от земнаго владыки апамейскаго испросив, начаша храм Святой Троицы воздвизати, но кончину мученическую от рук нечестивых восприяв, благословения присноживотнаго Святой Троицы улучил еси, и ныне поеши в селениих вечных: Аллилуиа.
Икос 4
*М*ученичества кровию твоею, мучениче Антоние, распали души наша, любовию почитающих тя, ко Господу, Егоже благодатию возвышаеми, потщимся победити страстные помыслы выну находящии на ны в житии, да поем ти:
Радуйся, жестокия раны страстей претерпевший;
Радуйся, мучителей дерзость низложивший;
Радуйся, молитися за ны пред Святей Троицей дерзновение получивший;
Радуйся, яко вражии силы поправший;
Радуйся, мучениче Антоние, Троическую любовь кровьми живописавший.
Кондак 5
*У*мервщляемы грехми многими и души мертвыя в житии обносяще, живоносными молитвами твоими, отче Антоние, всего себе в жертву Святей Троице принесшаго, хотя бы малую часть твоей любви иметь потщимся, греси наши из себе изринем, и яко жертву малейшую Богу милующему на Суд принесем, да впустит нас паки в Рай, идеже вкупе с тобою воспоем песнь: Аллилуиа.
Икос 5
*Ч*еловече Божий, отче Антоние, пети Троицу Единосущную житием твоим научаеши и, яко светило явльшеся вселенней, просвещаеши нас заблудших, вопиющих ти:
Радуйся, яко презрел еси мудрование земное;
Радуйся, яко обрел еси премудрость небесную;
Радуйся, на небеса мученичеством прешедший;
Радуйся, вечное спасение приобретший;
Радуйся, мучениче Антоние, Троическую любовь кровьми живописавший.
Кондак 6
*Е*диносущнюю Троицу возлюбил еси всем сердцем и душою, всею крепостию и разумением, сего ради возненавиде тя, отче Антоние, нечестие земли и руками нечестивых победу тщетную праздновало, но вослед Победившему смерть, на небо вознесся, победив земное, и трепещет ветхое земли, ожидая страшнаго пришествия Господня, имущаго судити всяческая, да поем Ему: Аллилуиа.
Икос 6
*Н*а уды разсекаемь, Троице Святей принесеся жертва благовонная, мучениче Антоние, и нам отшедшим от сего жития испроси Божественный покой и содеянных разрешение во веки, да поем ти:
Радуйся, храма Святой Троицы присный обитателю;
Радуйся, чтущих тя помыслов просветителю;
Радуйся, кровию твоею душ наших исцелителю;
Радуйся, яко стократный клас Богу принесший земледелателю;
Радуйся, мучениче Антоние, Троическую любовь кровьми живописавший.
Кондак 7
*И*долов сокрушителю, отче Антоние, помози нам предстательством твоим сокрушити идолов страстей и похотей душ наших, имже присно работаем, да с тобою вкупе славим Бога милующего и вся прощающего чадом Своим кающимся и вопиющим Богу: Аллилуиа.
Икос 7
*К*аменщик добрый был еси, мучениче Антоние, помози нам тайныя дела каменщиков злых ясными очами души зрети и поборати сих, иже выну противу нас стены зла строют из плинф лукавых лжи, но да воздвигнем в сердцах наших несокрушимую стену истины Христовой из добрых дел веры да поем ти:
Радуйся, от добраго сердца очами отверстыми Бога зрящий;
Радуйся, от сердца на зло закрытое, зло ясно различающий;
Радуйся, всем сердцем на Бога уповающий;
Радуйся, нас обомуренных к Богу тещи побуждающий;
Радуйся, мучениче Антоние, Троическую любовь кровьми живописавший.
Кондак 8
*У*милостиви Создателя о хвалящих тя, мучениче Антоние, избавитися озлоблений и скорбей окрест нападающих, да избавившеся от напастей, возвеличим непрестанно прославльшаго тя Господа: Аллилуиа.
Икос 8
*П*рещений идольских не убояся, мученичеством краснейший явился еси, прославивше удесы своими Троицу Святую, ныне прославляешися непрестанно. Помози и нам, мучениче Антоние, любовь стяжати, яже приведет и нас на небеса пети и славити Пресвятую Троицу, якоже ныне на земли поем и славим тя, святый отче:
Радуйся, Святую Троицу кровьми исповедавший;
Радуйся, во плоти сый безплотнаго врага победивший;
Радуйся, на небеси лики ангельскими воспеваемый;
Радуйся, и нами грешными от земли похваляемый;
Радуйся, мучениче Антоние, Троическую любовь кровьми живописавший.
Кондак 9
*Р*евностию Божией горя, сокрушил еси идолов апамейских, помози нам теплохладную терпимость греху сокрушити в сердцах наших, да выну горя ревностию по Бозе, еретическому зловерию противимся, и не человекам, но Богу Единому поклоняемся, выну поя: Аллилуиа.
Икос 9
*И*стину, яже есть Церковь, Вечность, Создатель, Святая Троица защищал еси, мучениче Антоние, крове дав, и небеса наследовав, временно искусившеся, вечно радуешися. Не яко наемник бегаяй страха идольскаго, но яко верный сын Отца Небеснаго душу свою положил еси мученически. Сего ради и нам светиши блистанием подвига своего, поющим ти:
Радуйся, упасенный на воде упокоения;
Радуйся, жертва совершенная Божиего закаления;
Радуйся, яко безконечные лета жизни обретший;
Радуйся, себе в жертву яко Бог Сына Своего, принесший;
Радуйся, мучениче Антоние, Троическую любовь кровьми живописавший.
Кондак 10
*Н*езаходимый Свет не возлюбиша люди апамейские и злобою сатанискою движими, привели тя, мучениче Антоние, к Троице Святей, себе же оставили огнь геенский, тьмы осязание (Иов, 12,25), и неведение мрачное в тесноте адовой, идеже не воспоют Господу во веки вечные: Аллилуиа.
Икос 10
*О*дебеле плотию Адам из Рая ходя, и Бога уничижив, ризы кожаны грехом прият. Ты же, отче Антоние, всею крепостию своею возлюбив Бога, на усечение мечное плоть предав, совлекшеся риз кожаных, вшед паки в Рай. Сего ради поем ти:
Радуйся, плотию земной усечением в Рай небесны восшедший;
Радуйся, во свете невещественнем и умном выну пребывающий;
Радуйся, тело бренное мученически отбросив, безтелесных общником соделавшийся;
Радуйся, красоты Троической достойно ныне наслаждаешися;
Радуйся, мучениче Антоние, Троическую любовь кровьми живописавший.
Кондак 11
*Ш*ум суеты житейской не заглуши в тебе, мучениче Антоние, пения Райскаго и глаголы жизни вечной, не приклонил бо еси колена пред натиском мира сего, и противистася мучителем, просветиша подвигом твоим языки заблуждшыя, общники ангелов сотворяя сыны человеческия, научая пети Троицу Единосущную: Аллилуиа.
Икос 11
*Е*динаго Тя в триех лицах, Бога всех пою, Отца, и Сына, и Духа Святаго, вопиял еси, мучениче Антоние, еще на земли суще, такожде вопиеши и ныне на Небесех. Поклонение бо истине возводит на небо, поклонение лжи и греху, низводит во ад, сего помози нам избегнути, да молитвами твоими улучим небесная, поюще ти:
Радуйся, духом и истиною Богу поклонивыйся;
Радуйся, подвигом твоим и нашего ради спасения потрудивыйся;
Радуйся, в нетление Божественное оболкшийся;
Радуйся, демонов прогонителем явившийся;
Радуйся, мучениче Антоние, Троическую любовь кровьми живописавший.
Кондак 12
*Н*екогда град Апамейский красовашеся лепотою идольскою, но аще не Господь созиждет град, пуст обретеся, камения идольские распадахуся, всуе бо трудишася зиждущии. Занеже не леть граду стояти, Святую Троицу отвергшему, град апамейский и поныне в запустении стоит, твоего подвига, мучениче Антоние, не терпя. Ты же, полнотою Троической упояваемь, поеши пред престолом Всевышним: Аллилуиа.
Икос 12
*И*н есть сеяй, и ин есть жняй, ты же, мучениче Антоние, насеял, мы же пожинаем плоды веры твоея и иных мучеников от века пострадавших и в труд ваш внидоша, се бо и радуемся ныне, имея пред собой образ жизни вечной, пред всяким смертным открытый. Молися вкупе, отче Антоние, с иными мучениками о нас, да и мы явимся во время оно пред Святой Троицей, аще и пострадати честь от Бога возымем, поюще вам сице:
Радуйтеся, яко благочестивых сердца, кровными каплями напоисте;
Радуйтеся, яко злочестивых полки в них потописте;
Радуйтеся, муки и болезни претерпевшии;
Радуйтеся, непреклонну и невредиму веру сохранившии;
Радуйтеся, вси святии мученицы, Троическую любовь кровьми живописавшии.
Кондак 13*
*Е*динице простой, трисветлой, начальственнейшей, всемощнейшей, всежизненной, Богу и Господу, Отцу вседержителю, Сыну и Духу послуживший даже до смерти мученической, молися, отче Антоние о еже спастися нам, поющим: Аллилуиа.
П-к, 1-й седм. П1. Троичен.
Молитва
Святый мучениче Антоние Апамейский, ты презревше земное естество к небесным устремился еси и кровьми мучений омывши душу твою, сердце имея горе, вознеслся еси пред лице Пресвятей Троицы.
Молися за ны святый мучениче, да и мы твоим светлым образом побуждаеми, николиже приложим сердце ветхому человеку, в тесноте жития земнаго исчезающего, но презрим уныния дремание и пустоту суеты земной.
Внегда же найдет на ны испытания час, да николиже уныния бес, печаль житейская, возобладают сердцами нашими, но образом светлаго жития твоего просвещени, отстранимся похоти очей, похоти плотской и гордости житейской, но очи наша от земли на небеса восперим, да выну, тебе подобяся, поем и славим Пресвятую Троицу, вся освящающую и просвещающую, единосущную и нераздельную.
Тропарь, гл.4
Бодренным духом и сердцем горящим
исповедал еси Пресвятую Троицу,
и презрев мучения идольския,
святый мучениче Антоние Апамейский,
ныне кровьми на высоту небесную вознесенный
выну зриши и поеши
Пресвятую Троицу.
Комментарии
Отправить комментарий